वायरल पोस्टचा आधार घेत कुणबी समाजाला मनसेने केले टार्गेट.

मुंबई, दि. 20 जानेवारी(प्रतिनिधी) : कुणबी समाजोन्नती संघ, मुंबई या कुणबी समजाच्या १०२ वर्ष पूर्ण झालेल्या मातृ संस्थेच्या मुख्य कार्यालयात कोणतीही पूर्व परवानगी न घेता, मनसे चे डोंबिवलीचे सचिव गणेश कदम, संतोष नलावडे, निलेश इंदप आणि इतर मनसे कार्यकर्त्यांनी कुणबी युवाचे अध्यक्ष माधव कांबळे आणि त्यांचे सहकारी सचिन रामाने यांच्यावर हल्ला करत त्यांना मारहाण केली. सदर घटनेत सचिन रामाने यांना दुखापत झाल्याने त्यांना तात्काळ के ई एम रुग्णालयात दाखल करण्यात आले असून त्यांची प्रकृती चिंताजनक होती. उपचारानंतर त्यांची प्रकृती स्थिर आहे.
मनसे अध्यक्ष राज ठाकरे यांची मिम्स काही दिवसा पूर्वी सोशल मिडिया वर वायरल झाली होती. सदर मिम्सचा आधार घेत मनसे डोंबिवली सचिव गणेश कदम यांच्या नेतृत्वाखाली दिनांक १२/०१/२०२३ रोजी भोईवाडा पोलिसांकडे, माधव कांबळे वर फेसबुक केलेल्या वायरल पोस्ट संशय असून पत्राद्वारे कारवाईची मागणी करण्यात आली होती. दि. १८/०१/२०२३ रोजी रात्री ०९:३० च्या दरम्यान कुणबी समाजोन्नती संघ, मुंबई यांच्या परेल येथील मुख्य कार्यालयात संघटनेच्या कार्यात अडथळा निर्माण करीत गणेश कदम व त्यांच्या कार्यकर्त्यांनी कुणबी युवा अध्यक्ष माधव कांबळे यांना अर्वाच भाषेत शिवीगाळ करीत हल्ला करून मारण्याचा प्रयत्न केला. माधव कांबळेना वाचविण्याच्या कुणबी कार्यकर्त्यांच्या प्रयत्नात सचिन रामाने या कार्यकर्त्याला जबर मारहाण झाली. या मारहाणीत सचिन रामाने बेशुद्ध झालेले पाहून मनसे सचिव गणेश कदम, संतोष नलावडे, निलेश इंदप आणि सहकारी यांनी पळ काढला.
सदर घटनेची दखल घेत भोईवाडा पोलिसांनी तक्रार नोंदवून घेत भारतीय दंड संहिता १८६० कलम ४५२, ४४८, ३२४, ३२३, ५००, ५०४, ५०६ अंतर्गत मनसे पदाधिकारी गणेश कदम यांना तात्काळ अटक केली आहे.या घटनेचा कुणबी समाजाने जाहीर निषेध केला आहे.आरोपींवर कारवाई करण्यासाठी संभाजी ब्रिगेडचे शिवश्री सागरराजे भोसले मुंबई प्रदेश अध्यक्ष, शिवश्री नितीन बारस्कर संभाजी ब्रिगेड मुंबई प्रदेश संघटक ,शिवश्री प्रतीक सकपाळ ईशान्य मुंबई जिल्हा अध्यक्ष ,शिवश्री विशाल रामाने उत्तर मध्य मुंबई जिल्हा अध्यक्ष, शिवश्री संजय येद्रे कलिना विधानसभा अध्यक्ष यांनी पोलिसांना विनंती पत्रक देऊन कारवाईची मागणी करत सदर प्रकरणाचा जाहीर निषेध केला आहे.