नालासोपारा नगरीत रविवार दि. 2 एप्रिल 2023 रोजी डीवाईन स्कुल येथे जोशात 8 वे महारक्तदान शिबीर पार पडले.

मुंबई, दि. 3 एप्रिल : संतोष अबगुल प्रतिष्ठानच्या रक्तदान शिबिरात सामाजिक बांधिलकीची जपत 8 वे महारक्तदान शिबिराला यावेळी एकूण 1030 रक्तदाते यांनी नोंदणी केली व त्यापैकी एकूण 968 रक्तदाते यांनी विक्रमी यशस्वी रक्तदान केले.. नालासोपारा नगरीत आतापर्यंत 2 वेळा 1000 रक्तदाते आकडा पार करण्याची कामगिरी संतोष अबगुल प्रतिष्ठान कडून करण्यात आलेली आहे. यावेळी खेड , दापोली, मंडणगड उर्वरीत संपूर्ण रत्नागिरी, रायगड व सिंधुदुर्ग जिल्ह्यातील मुंबईमध्ये वास्तव्यास असणारे सुपुत्र पुन्हा एकदा धावून आले व संतोष अबगुल प्रतिष्ठान रक्तदान शिबिराला उपस्थित राहून रक्तदान केले. रक्तदान शिबिराला महिलांचा देखील मोठ्याप्रमाणात प्रतिसाद लाभला. संतोष अबगुल प्रतिष्ठानच्या वतीने प्रत्येक रक्तदात्याला फ्रुटी, बिस्किटे व जेवणाची व्यवस्था केलेली होती. या शिवाय संतोष दादा अबगुल व अन्य मान्यवरांच्या हस्ते प्रत्येक रक्तदात्यांना प्रमाणपत्र व पुष्पगुच्छ देऊन गौरविण्यात आले. आशा प्रकारे सर्व सदस्यांच्या सहकार्याने हे यशस्वी रक्तदान शिबिर संपन्न झाले.