ठाण्यात 2 जानेवारीला जिल्हास्तरीय पॉवरलिफ्टिंग स्पर्धा

ठाण्यात 2 जानेवारीला जिल्हास्तरीय पॉवरलिफ्टिंग स्पर्धा
प्रतिनिधी ठाणे जिल्हा पॉवरलिफ्टिंग असो. च्या मान्यतेने जय भवानी व्यायामशाळा एम फिटनेस, लोकमान्यनगर  पाडा न.2 ठाणे ( वेस्ट ) आयोजित जिल्हास्तरीय सब ज्युनिअर,ज्युनिअर, सिनिअर व मास्टर (पुरुष/महिला) क्लासिक पॉवरलिफ्टिंग स्पर्धा 2021,  रविवार 2 जानेवारी रोजी ठा. म. पा. शाळा क्रमांक. 46 चे  पटांगण, लोकमान्य नगर पाडा न.2 शिवसेना  मध्यवर्ती शाखेच्या  शेजारी  ठाणे (प.) आयोजित केेल्याची माहिती ठाणे जिल्हा पॉवरलिफ्टिंग असोशिएशनचे सरचिटणीस देवदत्त भोईर यांनी दिली.
सदर स्पर्धेसाठी आपल्या व्यायामशाळेच्या सह्भागी खेळाडूंची प्रवेशिका दिलेल्या नमुना अर्ज भरून प्रवेश फीसह  दिनांक 28 डिसेंबर 2021 पर्यंत ठाणे जिल्हा पॉवरलिफ्टिंग असोसिएशनच्या अधिकृत व्हॉटसअ‍ॅपवर पाठविणे आवश्यक आहे. फी भरल्याशिवाय प्रवेशिका ग्राह्य धरली जाणार नाही. दिनांक 28 डिसेंबर 2021 नंतर येणार्‍या प्रवेशिका स्वीकारल्या जाणार नाहीत. फी  जिल्हा संघटनेच्या अकाउंटवर जमा  करावी.
व्यायामशाळा संलग्नता फी:  500 रु. (सन 2021साठी  ज्यांनी भरलेली  नाही ) प्रवेश फी: 300/-  
ओळखपत्र फी: 150 रु.(4 वर्षांकरिता  डिजिटल  कार्ड सह   नवीन  खेळाडूंसाठी ) वजन गट पुरुष : 53 किलो (सब ज्युनिअर व ज्युनिअर साठी), 59 किलो, 66 किलो, 74 किलो, 83 किलो, 93 किलो, 105 किलो, 120 किलो, +120 किलो. वजन गट महिला: 43 किलो(सब ज्युनिअर व ज्युनिअर साठी), 47 किलो, 52 किलो, 57 किलो, 63 किलो, 69 किलो, 76 किलो, 84 किलो, +84 किलो. जन्मदिनांक:
सब ज्युनिअर: 1 जानेवारी 2003 ते 31 डिसेंबर 2007. ज्युनिअर: 1 जानेवारी 1998 ते 31 डिसेंबर 2002.
सिनिअर : 14 वर्षे पूर्ण असलेला कोणताही खेळाडू. मास्टर 1: 1 जानेवारी 1972 ते 31 डिसेंबर 1981 मास्टर 2: 1 जानेवारी 1962 ते 31 डिसेंबर 1971  मास्टर 3: 1 जानेवारी 1952 ते31 डिसेंबर 1961  मास्टर 4: 31 डिसेंबर 1951 किंवा त्यापूर्वीचा जन्म असावा. आदी माहिती ठाणे जिल्हा पॉवरलिफ्टिंग असोशिएशनचे सरचिटणीस देवदत्त  भोईर यांनी दिली