“आज ठाण्यात “गौरव महाराष्ट्राचा” पुरवणी विशेषांकाचे प्रकाशन व सन्मान सोहळा दैनिक मुंबई तरुण भारत व अक्षरमंच प्रतिष्ठानचा संयुक्त उपक्रम”

कोविड नियमांचे पालन करून होणार सोहळा

ठाणे,दि.८ (प्रतिनिधी) महाराष्ट्र राज्याच्या निर्मितीला ६१ वर्षे पूर्ण झाली.या निमित्ताने मुंबई तरुण भारत आणि अक्षरमंच सामाजिक व सांस्कृतिक प्रतिष्ठानच्या संयुक्त विद्यमाने ‘गौरव महाराष्ट्राचा’ या पुरवणी विशेषांकाचे प्रकाशन आज ९ जानेवारी रोजी सकाळी १०.३० वाजता ठाण्यातील डॉ.काशिनाथ घाणेकर नाटयगृहात होणार आहे.या समारंभास प्रमुख पाहुणे म्हणून ठाणे शहराचे आमदार संजय केळकर,साहित्यिक पद्मश्री रामदास फुटाणे, पद्मश्री पोपटराव पवार,प्रख्यात कवी गीतकार प्रविण दवणे,व्याख्याते व प्रवचनकार डॉ .सच्चिदानंद शेवडे, मुंबई तरुण भारतचे संपादक किरण शेलार हे उपस्थित राहणार आहेत.अशी माहिती अक्षरमंच प्रतिष्ठानचे सचिव हेमंत नेहते यांनी दिली.