“दहावी परीक्षेचे ऑनलाइन आवेनदपत्र भरण्याची शेवटची तारीख दि. 14 मार्च”

ठाणे दि. 08 :- महाराष्ट्र राज्य माध्यमिक व उच्च माध्यमिक शिक्षण मंडळामार्फत मार्च-एप्रिल 2022 मध्ये माध्यमिक शालान्त प्रमाणपत्र परीक्षा दि. 15 मार्च 2022 पासून सुरु होत असल्याने सदर परीक्षेचे आवेदनपत्र नियमित शुल्कासह ऑनलाईन दि. 14 मार्च 2022 रोजी सकाळी 11.00 वाजेपर्यंतच भरण्याची सुविधा उपलब्ध राहील, तद्नंतर आवेदनपत्र भरणेसाठी संकेतस्थळ बंद करण्यात येणार आहे. सबब मार्च-एप्रिल 2022 इ. 10 वी परीक्षेस प्रविष्ट होण्यासाठी खाजगी विद्यार्थी म्हणून नाव नोंदणीसाठी अर्ज केलेल्या परंतु प्रस्तावामध्ये त्रुटी असणाऱ्या विद्यार्थ्यांनी दि. 10 मार्च 2022 पर्यंत त्रुटींची पूर्तता करून दि. 12 मार्च 2022 पर्यंत नाव नोंदणी प्रमाणपत्र प्राप्त करून घ्यावे व उपरोक्त मुदतीत परीक्षेचे आवेदनपत्र भरावे, असे राज्य मंडळाचे सचिव, ग्रन्थ मंडळ, अशोक भोसले यांनी कळविले आहे.