“राजे संस्कार प्रतिष्ठान ठाणे यांचा ‘सन्मान नवदुर्गांचा-2022’ पुरस्कार सोहळा उत्साहात पार पडला”

“
ठाणे, दि. 10 : ‘राजे संस्कार प्रतिष्ठान, ठाणे’ अध्यक्ष प्रा. श्री संभाजी राजाराम शेळके यांच्या नेतृत्त्वाखाली दसऱ्याच्या दिवशी “सन्मान नवदुर्गाचा २०२२” हा कार्यक्रम मोठ्या उत्साहात पार पाडला. यामध्ये अनाथांचा नाथ असलेल्या व सर्वोत्कृष्ट सामाजिक कार्य उत्तम रित्या पार पाड़णाऱ्या महिलांचा सन्मान करण्यात आला. त्यात सौ. अक्षदा अभय भोसले, साधना जाधव, सौ अर्चना अल्पेश मार्गी, संध्या सावंत, सौ.संगीता गुंजाळ, सौ.नताशा सोनकर, श्रीमती प्रतिभाताई कृष्णा ईराशेटटी, सौ. अर्चना कांबळे, सौ. छाया साळवी या महिलांचा गौरव केला. गौरव पत्रकात “आपण मराठमोळ्या मातीतिल एक अनमोल रत्न आहात आपण हाती घेतलेले कार्य भावी पिढीस प्रेरणादायी आहे. या सन्मानाने पुन्हा नव्या दमाने समाजकार्य करत रहावे ही सद्भावना आपल्या वाटचालीस मन:पूर्वक शुभेच्छा ” अशा मजकूरासह कौतुक करण्यात आले. सन्मानित झालेल्या नव दुर्गांचा आनंद गगनात मावेनासा झाला व उत्साहपूर्वक, आनंदाने महिलांनीही उपस्थित असणाऱ्या राजे संस्कार प्रतिष्ठान मंडळाचे आभार मानले. या कार्यक्रमाचे सूत्रसंचालन कपिल बावबन्दे आणि नेत्रा पांचाळ यांनी केले.