“26/11 हल्ल्यातील शहीदांना मुख्यमंत्री-उपमुख्यमंत्र्याकडून श्रद्धांजली”

मुंबई, दि. 26 नोव्हेंबर (प्रतिनिधी) : मुंबईमध्ये लश्कर-ए-तोयबाच्या दहशतवादी हल्ल्याला 14 वर्ष पूर्ण झाले आहेत. या हल्ल्याने मुंबई आणि देशाला मोठा धक्का बसला होता. यामध्ये हजारो जण मारले गेले तर अनेक जखमी झाले होते. या हल्ल्यातील शहीदांना मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी श्रद्धांजली वाहिली. मुंबईतील पोलीस मुख्यालयात हा कार्यक्रम पार पडला. यावेळी राज्यपाल भगतसिंग कोश्यारी यांचीही उपस्थिती होती. तर प्रोटोकॉलनुसार अगोदर राज्यपाल आणि त्यानंतर मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी शहीदांना अभिवादन केलं. यावेळी इतर मंत्री आणि नेत्यांचीही उपस्थिती होती.शुक्रवारी उपमुख्यमंत्री देवेंद्र फडणवीसांनी म्हटलं की, ’26/11 चा दहशतवादी हल्ला एक असा घाव आहे जो कधीही भरून निघणार नाही. असे हल्ले परत होणार नाही यासाठी सरकार प्रतिबद्ध आहे.’